. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

16,548  dagup a botante iti Gonzaga

            Gonzaga, Cagayan  -  Agdagup ti 16,548 a botante ti  dagup ti rehistrado a botante  iti Gonzaga, Cagayan idi  Mayo 14 local/national elections itoy a tawen segun ken ni    Nanette P. Garcia, Election Officer II, itoy nga ili.

            Iti nasao a dagup,  kadadakkelan ti bilang dagiti botante iti Barangay  Cabiraoan (1,162);  Tapel  (1,092);  Progressive  (1,056);  Flourishing ( 1,021);  Batangan (889);  Calayan (888); Baua  (857) ken Paradise (838).

            Iti sabali a bangir, kabassitan met ti bilang dagiti botante iti Barangay  Callao (189);  Cabanbanan  Sur (282);  Cabanbanan Norte  (307);  Casitan (399) ken Sta. Cruz  (416).

            Naammuan pay nga agdagup iti 121 dagiti established precincts. Nupay kasta, 84 laeng ti bilang dagiti  nagrupugrupo wenno clustered precincts a naiwaras iti 25 a barangay iti Gonzaga, Cagayan.