Primera
klase nga ili ti Gonzaga itan
Nakapastrek
ti average annual collection a P58.48 M idi 2004-2007
TUNOS,
timpuyog, panagkaykaysa ken ayat iti linak ken talna a buyogan
ti napasnek, napudno a liderato ti Ama ti Ili iti panangriendana
iti gobierno lokal.
Dagita
ti sumagmamano laeng a key indicators ti gapuanan, ken
landmarks a nagun-od ti Gobierno Lokal nga idauluan ni Mayor
Rosendo P. Abad babaen ti agtultuloy a panagprogreso banag a
nagbalinanna a primera klase nga ili itan.
Manipud
iti segunda klase iti kallabes, maibilangen a primera klase nga
ili ti Gonzaga, Cagayan segun iti komunikasion nga impatulod ni
Director Orlando L. Mina ti Bureau of Local Government Finance (BLGF),
Regional Office No. 02 iti Opisina ti Mayor a napetsaan iti
Enero 5, 2009. Nupay kasta, nagepekto ti bileg daytoy a
reklasipikasion dagiti dimmur-as nga 11 nga ili iti probinsia
ti Cagayan a pakairamanan ti Gonzaga idi pay Hulio 29, 2008.
Iti
dagup ti 28 nga ili ti Cagayan a naital-o iti reklasipikasion,
uppat (4) ti dimmur-as (2nd class to 1st
class), isu ti Gonzaga, Lallo, Solana ken Tuao. Tallo met ti
dimmur-as manipud 3rd class to 2nd class,
isu ti Amulung, Sta. Ana ken Sto. Niņo ken uppat (4) ti dimmur-as
manipud 4th class to 3rd class, isu ti
Abulug, Buguey, Enrile ken Sanchez Mira. Daytoy ti nailaon iti
BLGF Memorandum Circular No. 01-M (18)-08 a napetsaan ti
Nobiembre 12, 2008.
Dagitoy ti kriteria ti nasao nga ahensia kas maitutop iti
Section 2 ti Department Order No. 23-08 mainaig iti
reklasipikasion dagiti ili mainaig iti income brackets:
Klase
ti Ili Average Annual Income
First
- P 55 M wenno nangatngato
Second - P 45 M wenno nangatngato ngem
nababbaba ngem P55 M
Third
- P 35 M wenno nangatngato ngem nababbaba ngem P45 M
Fourth
- P 25 M wenno nangtangato ngem nababbaba ngem P35 M
Fifth
- P 15 M wenno nangatngato ngem nababbaba ngem P25 M
Sixth
- Nababbaba ngem P15 M
Segun
ken ni Virgie Z. Patulay, Municipal Treasurer,
nakapastrek ti ili iti average annual income a P58.48 M
manipud tawen 2004 agingga iti 2007 (kitaen ti BLGF Memo
Circular No. 01-M (18)-08 a napetsaan ti Nobiembre 12, 2008).
Iti ababa a pannao, linabsantayo ti tax collection target a
P55M a nagbasaran ti BLGF tapno agbalin a primera klase ti ili
a Gonzaga, Cagayan. Uray no kasta, no sumaren ti napastrek nga
IRA ken local taxes ken revenues itay napan a tawen, agdagup
daytoy iti P69.29 M, segun ken ni Erlinda G. Suetos,
Municipal Budget Officer, nga amang a dakdakkel pay ngem iti
average annual income a pinastrek ti ili. ##
. . . . . . . . . . . . . . . . . . . . . . . . . . . . . . . .
. . . . . . . . . . . |
